مجتمع

كفاية جواز في “بيت عيلة”

بوابة اليوم الأول الدكتورة هبة قطب – استشارى الطب الجنسى والعلاقات الزوجية

كفاية يا كل قرية ومدينة فمصر كفاية خدمة ومرمطة في بيت عيلة صغيرة 20 سنة بتتجوز عشان تخدم وتمسك بيت مش بيتها واضافة اليه بيتها وهى اصلا امها كانت بتصحيها تفطرها الظهر 🙁

سيبو الصغيرين يعيشو براحتهم عشان لما يكبرو ميبقوش عقارب من اللى شربوه وتفضل مأساة الحموات شغالة لحد يوم القيامة 😑

كفاية بقى تتجوز واحدة شهرين وتسبها وتسافر عشر شهور وهى بتخدم امك وابوك واخواتك لو لسة متجوزوش وترجعلها شهرين وتسافر تانى وهكذا

وكل اجازة تخلف عيل تربى لوحدها او اهلك اللى يربوه وهى تفضل متمرمطة وجوزها متغرب عنها ياتاخدها وتسافر معاك يامتتجوزش

وانتى ياتسافرى معاه يامتتجوزيش لو حسبتى عمرك بالشكل ده هيطلعلك انك اتجوزتيه خمس سنين فعشرين سنة ده لو بينزل اجازة كل اربع شهور

طيب لو مبيسافرش المفروض فالدين يرجع يشم منك اطيب ريحه وبيته نظيف ووﻻده مستحميين ونايمين وانتى مستقبلاه فشقتك بلبس كويس وابتسامة

مش تحت بعباية وطرحة وعرق وبتحضرى اكل لدا وبتكنسى مكان ده وهو يطلع ياخد شاور وينام ويصحى يخرج عالكافيه ويرجعلك بالليل انتى هلكانة ونايمة وهو كل مايجى يلاقيكى نايمة تعبانة وسبحان الله ميعرفش ايه اللى مخليكى نايمة وتعبانة

كفاية جواز مقرف بعيد عن الدين بقى
متمرمطوش بناتكم لو سمحتم اشترطو قبل الجواز بنتى فشتقها لجوزها وعيالها وبس ولو بيسافر بنتى هتسافر معاك مش هتتجوزها شهرين فالسنة والله لو ظروفك متسمحش تاخد مراتك معاك متتجوزش متسربع ع ايه

كلام مش هيعجب ناس كتير بس والله ده اسلامنا وديننا اللي مش عاجبه راجع دينك تانى وافهمه كويس

النبى _ صلى الله عليه وسلم _ أمر ان الزوج ما يبعد عن زوجته عن ٤ شهور دا اقصى لكن احنا دلوقتى الواحد بيتجوز علشان يجيب واحده تخدم امه ويسبها ويسافر وهى تشيل الطين كله وتطلع متعقده ولما يجى يلاقيها شايله الهم يقولها انتى ست نكديه ومش بتحبى الفرفشه ويروح يتجوز عليها واحده تفرفشه ويسيبها هي تشيل الهم طول عمرها

حافظوا علي بناتكو واتجوزو بشروط لحياة مستقرة مش مهم شبكة ونيش وقايمة ومؤخر

وفاﻻخر بتخسرهم فقضية الخلع اللى بترفعها بتلات عيال زى ما الحما بتقول احنا ربينا راجل وخدتوه ع الجاهز مهو هما كمان اهلهم تعبو فيهم وربوهم ومشيو ع الجاهز..

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق